Warren (已結業)

收工約咗同事一齊食飯，搵咗呢間餐廳食下正嘢chill下。餐廳近排出咗有個special menu，比原價平咗差唔多三成，十分抵食。芝士黑松露焗帶子用熱石墊底保溫夠特別。喺芝士上面灑上黑松露令味道更加香濃。帶子肉厚彈牙，同埋底下嘅洋蔥一齊食更加正。煙三文魚配荷蘭汁波蛋煙三文魚有淡淡嘅熏香味，咬落有彈性口感豐富。波蛋口感柔滑配上荷蘭汁酸酸地味道唔錯。底下嘅酥皮好香脆。香煎美國頂級西冷配紅酒汁牛扒煎到約五成熟，咬落有嚼勁，有好濃嘅牛肉味。配碟仲有一塊忌廉薯仔千層批，味道好香好creamy。香煎石斑魚配提子牛油汁廚師用咗法式嚟整，魚肉厚身，口感結實。底下有切粒嘅茄子作配菜，食落味道甜甜地。