洪聖街八號冰室 (已結業)

之前都嚟過一次，喺鴨脷洲地鐵站一出，行前少少會見到一座綠色大樓係街市同熟食中心，搵嘢食就梗係唔會去熟食中心咁污糟，行右少少喺佳寶對面有個體育館，入口一樓，一入到去有個兒童遊玩室，再行入少少就係呢間隱世餐廳。新開張，唔係好多人所以坐得好舒服，座位之間隔得非常寬敞，老闆仲整咗幾個corner擺figure、漫畫同有board game，有海景可以欣賞figure又可以睇漫畫，舒適出色。食物花款唔算太多menu都係兩版紙但係已經足夠，有台式滷肉飯、雞扒常餐、小食、最貴都係50蚊仲要包埋嘢飲。常餐 雞扒火腿奄列多士+熱奶茶 $48食物𣎴錯，奄列好大份，多士係新鮮剛烘的。同外面茶餐廳質素差不多，勝在服務好衛生舒服，仲可以慢慢歎。餐廳播住輕音樂，見隔離枱羅左部laptop，可以做下野唔怕俾人趕。同朋友黎有時間仲可以玩下board game，隱世消閑歎美食既好地方。