影片
更多
2022-04-04
64 瀏覽
早兩星期喺行緊去食印度菜中途留意到依間Cafe，被充滿日式風格嘅店面吸引，心裡面默默咁bookmark咗！Cafe位於蘭桂坊附近，位置隱蔽，同中環鬧市形成強烈對比，喺度的確有種忘記煩憂嘅感覺🌞• 特盈玉子燒 $98玉子燒份量幾足，上面放咗芝士同黑松露醬嘅不敗組合，聞落亦非常之香！食落口感幾軟綿juicy，估計應該加咗高湯喺蛋液入面，味道唔會太單調☺️• 頂級牛肉漢堡定食 $158唔係太肚餓嘅關係我哋就叫咗份定食兩個share，定食裡面包括咗關東煮、烏冬、漬物同作為主角嘅牛肉漢堡。佢哋嘅牛肉漢堡其實即係漢堡扒，肉質偏實，個人喜好鬆軟一啲嘅口感😗• 日本東京第一 $68不約而同朋友都想食芝士蛋糕，於是叫咗兩份唔同款試試。日本東京第一嘅質地比較流質creamy，除咗芝士味之外，亦帶有檸檬嘅酸味，偏向少少似乳酸嘅感覺，整體感覺清新啲😌• 巴斯克焦香芝士蛋糕 $58比起上面嗰款，佢嘅芝士味更加濃郁，口感實淨啲，面頭焦啲香口啲，兩款都各有特色，真係好難揀話邊件好食啲🤣• 月亮與六便士 $88店員推介嘅特色咖啡，中間圓形嘅係一球牛奶冰磚，以lady grey、朱古力同Es
• 特盈玉子燒 $98
玉子燒份量幾足，上面放咗芝士同黑松露醬嘅不敗組合，聞落亦非常之香！食落口感幾軟綿juicy，估計應該加咗高湯喺蛋液入面，味道唔會太單調☺️
• 頂級牛肉漢堡定食 $158
唔係太肚餓嘅關係我哋就叫咗份定食兩個share，定食裡面包括咗關東煮、烏冬、漬物同作為主角嘅牛肉漢堡。佢哋嘅牛肉漢堡其實即係漢堡扒，肉質偏實，個人喜好鬆軟一啲嘅口感😗
• 日本東京第一 $68
不約而同朋友都想食芝士蛋糕，於是叫咗兩份唔同款試試。日本東京第一嘅質地比較流質creamy，除咗芝士味之外，亦帶有檸檬嘅酸味，偏向少少似乳酸嘅感覺，整體感覺清新啲😌
• 巴斯克焦香芝士蛋糕 $58
比起上面嗰款，佢嘅芝士味更加濃郁，口感實淨啲，面頭焦啲香口啲，兩款都各有特色，真係好難揀話邊件好食啲🤣
• 月亮與六便士 $88
店員推介嘅特色咖啡，中間圓形嘅係一球牛奶冰磚，以lady grey、朱古力同Espresso做底，味道隨住時間變化，複雜有層次，飲到最後會變成一杯濃郁嘅牛奶咖啡🤤
• 敞開心扉的萬靈藥 $68
店家Signature嘅魔法可可一共有四款口味，面頭附上大大粒棉花糖，賣相好可愛！我揀咗依款係帶有玫瑰同肉荳蔻嘅香味，用上天然香料，冇香精嗰種人工嘅味道，加上香甜朱古力味飲落個人心情都變好✨
張貼
