星橋居酒屋

營業中

休息中

隱世日式串燒店，夠日本風味！店家氣氛輕鬆，座位不多但好適合小聚。 岩鹽鱿魚一夜乾烤得剛好，外皮微焦脆，但肉質仍然好柔軟，唔會鹹。Mega虎蝦好大隻，蝦肉鮮甜，肉質勁彈牙。梅子蕃茄凍盤，酸甜開胃，啱晒解膩。 雞皮餃子好有特色既選擇，雞皮燒得酥脆，肉餡係入面，吃落香而不膩。燒鱈魚干甜鹹脆口，好適合做餐前小食。雞肉類串燒同樣出色雞軟骨、雞橫隔膜都有有嚼勁。雞翼，外皮焦香，肉質多汁。 豬頸肉肥瘦均勻，烤得剛好不柴。九條蔥豚肉卷豬肉包著蔥段，蔥香解膩。其他串燒類，出面既店少有唐辛子、油揚、日本銀杏。最後既唐揚雞外酥內嫩，不會太油，肉質鮮嫩多汁。 整體來說，食材新鮮，調味簡單但到位，適合喜歡吃串燒配啤酒既朋友。