咖啡灣 (太和中心) (已結業)

大埔數一數二既餐廳一定係咖啡灣，食物質素高價錢又唔貴，今日同朋友行完街就黎呢道食，6點半就到左更加唔洗排隊！呢道環境唔錯而且裝飾到好溫馨。同朋友share左2個主菜同1個甜品 好飽大蝦蕃茄醬意大利麵 $72大蝦有足足四隻，啖啖肉幾新鮮，意粉好香濃既蕃茄醬好入味，好推薦！不過如有份量再多少少會更好。鵝肝和牛巨人漢堡 $138平時如果要食鵝肝和牛起碼都要二百幾三百幾，見到呢道只係百幾蚊就試下。點知都好有驚喜，漢堡好足料，鵝肝油脂豐富，和牛都好香，加埋蕃茄同生菜食即刻冇咁膩。另外有薯條伴碟，好飽鮮草莓雪糕窩夫 $72每次黎食都不得不試呢間既窩夫，首先賣相好靚岩哂打卡，仲要好好食。每一舊都有士多啤梨同cream同雪糕，口感豐富而且唔會好甜，窩夫仲好鬆軟。必食呀綠茶鮮奶 $36杯green tea latte既拉花真係好靚呀 而且綠茶味都好濃！呢間小店既食物真係每次叫都唔會令你失望，好岩同朋友屋企人聚會傾計！