潮食居酒屋 (已結業)

今日去左一間位於柯士甸站附近既隱世居酒屋，雖然店仔細細，但啲嘢食好有水準🥰點左和牛粒石鍋飯、日式薯餅、清酒煮蜆同雜錦天婦羅首先，和牛粒石鍋飯用嘅和牛粒，肉質非常嫩滑，入口牛味濃，帶有一種濃郁的肉香。石鍋飯底部有一層香脆的鍋巴，咬落去有種酥脆的口感，非常好味。飯粒吸收咗和牛的鮮味，同時又帶有少少燒焦的香氣，整體味道層次豐富日式薯餅外脆內軟，隨碟附上美乃滋，增添咗風味，食落好有滿足感清酒煮蜆係另一個亮點，蜆肉鮮甜，淡淡清酒香氣令到整個蜆湯飲落清甜，湯底清新而唔會過於油膩，飲落去非常開胃，配合蜆肉一齊食，真係好搭！雜錦天婦羅係最有驚喜，炸衣香脆得黎唔會太厚粉，炸得金黃酥脆，內裡嘅食材保持住原汁原味，特別係蝦同南瓜，蝦肉彈牙，南瓜香甜，配上天婦羅汁，味道更加突出。總括來講，今餐無論係食材新鮮度定係味道搭配都做得非常好，令我十分滿意。下次一定會再嚟試其他菜式！