更多
2023-01-05
81 瀏覽
原來工廈都有隱世大排檔,呢間大排檔喺觀塘成業工業大廈地下,幾有空間感,而且光猛企理!裏面大部份都係圓枱,每台都有一壺茶同埋一包紙巾,適合一大班人食飯傾計,可以叫番啲小炒同埋煲仔,仲可以叫打邊爐慢慢飲住啤酒傾吓計!而且呢度嘅菜式選擇都幾多,仲有啲特色客家小炒可以試吓!------------------------------◖海味魚肚浸勝瓜 ◗ $128海味好足料,有啲魷魚、帶子、蝦仁,仲有啲魚肚同埋菇,份量多到好似海鮮上湯浸勝瓜咁!魚肚有好多片,比較韌有咬口,配菜嘅份量絕對多過勝瓜!個湯底煮到奶白色,味道幾鮮甜!◖脆皮風沙雞(半隻)◗ $108風沙雞半隻都唔少,外皮真係好香脆好吸引,裏面肉質鮮嫩唔柴,鹹鹹香香咁幾惹味!◖薑蔥台山蠔◗ $198一個煲仔有九隻蠔,粒粒都大大粒,香蔥味道都好夠!但係蠔嘅口感略嫌韌咗啲,同埋炸粉揸得有啲唔均勻同偏厚,食落粉漿嘅感覺有啲重呢~◖滷水豆腐◗ $48有兩大磚滷水豆腐,裏面好嫩滑好索汁,軟腍又入味!◖絲苗白飯◗ $12🌟Encore指數:8/10
------------------------------
海味好足料,有啲魷魚、帶子、蝦仁,仲有啲魚肚同埋菇,份量多到好似海鮮上湯浸勝瓜咁!魚肚有好多片,比較韌有咬口,配菜嘅份量絕對多過勝瓜!個湯底煮到奶白色,味道幾鮮甜!
◖脆皮風沙雞(半隻)◗ $108
風沙雞半隻都唔少,外皮真係好香脆好吸引,裏面肉質鮮嫩唔柴,鹹鹹香香咁幾惹味!
◖薑蔥台山蠔◗ $198
一個煲仔有九隻蠔,粒粒都大大粒,香蔥味道都好夠!但係蠔嘅口感略嫌韌咗啲,同埋炸粉揸得有啲唔均勻同偏厚,食落粉漿嘅感覺有啲重呢~
◖滷水豆腐◗ $48
有兩大磚滷水豆腐,裏面好嫩滑好索汁,軟腍又入味!
◖絲苗白飯◗ $12
🌟Encore指數:8/10
張貼