築地日本料理 (結志街) (已結業)

今日到上環等朋友收工食飯，佢話結至街有間地道風味日本料理小店，雖然地點較隱蔽，同事食過話CP值高，廚師曾去日本學藝，價錢合理又好食，要帶我去試下😄店舖門口十足日本居酒屋風格，店內貼滿早年電影同動畫海報，座位雖然唔多，但都舒適濶落，又播住日本電影同動畫主題曲，好有日本feel😅我哋點咗兩份日式卷物，另外再點咗日式炸豆腐，天婦羅盛盒同唐揚炸雞😄牛油果軟殼蟹卷，鰻魚反卷兩款都係即叫即製，牛油果軟殼蟹卷同鰻魚反卷都用咗牛油果，令反卷口感清新，軟殼蟹香脆，面層仲有蟹籽，層次感豐富，鰻魚肥美好食😋日式炸豆腐外脆內嫩，豆腐滑溜，加咗鏗魚汁同柴魚絲，令豆腐加添鮮味😋天婦羅盛盒炸物有金菇、南瓜、茄子、蘆筍、蕃薯同大蝦，炸漿唔厚，火喉剛剛好，一層薄脆包住炸物，大蝦鮮味彈牙，茄子清甜有汁😋唐揚炸雞炸雞大大嚿，雞肉軟嫩唔乾，外層微脆，正😋