花宵 (已結業)

今日嚟到一間隱世嘅日本嘢，入邊嘅員工好有禮貌，食物質素，唔單只係味道，佢嘅賣相都100分。色香味俱全，所以係隱世美食我覺得呢個名都係好襯得起佢。我哋食咗唔少嘢，雞泡魚魚乾，成為我最鍾意食嘅其中一個日本食物。雖然有啲肥，但係真係太香太好味啦！壽司方面，左口魚邊一直係我嘅至愛，呢度同出邊比較，係好有質素嘅一間日本嘢！個人最鍾意嘅係最後嘅三文魚膠同埋魚頭，佢賣相已經令我垂涎欲滴，食落口甘香鬆脆，魚肉鮮甜，唔會太乾，我覺得係今晚嘅焦點！價錢方面，我可以話日本嘢嚟講，佢都唔係平嘢，但係咁嘅質素，佢嘅價錢係完全可以接受嘅。