老二花廳 (已結業)

今日約左朋友出去影相，之後我哋周圍去搵下野食，我們想找一個地方可以靜靜地傾下計，食下野，慢活一下，o係 openrice 搵到【老二花廳】，見到餐廳餐牌既食物都好岩我哋既口味，於是二話不說即去了。果然無揀錯地方，唔止餐牌既食物好岩我哋，餐廳還有好多藝術牆壁，很多打卡和影相位，鐘意影相既朋友，可能可以玩到大半天了。我哋叫左幾樣野食，分別有「黑松露醬炸薯條」、「卡邦尼意粉」、「蒜蓉燒雞翼」、「大蝦鮮果沙津」等，我特別欣賞佢既「黑松露醬炸薯條」，因為除了薯條表面的黑松露醬之外，店員還會另外再給你自家調製的黑松露沙津醬，呢點真心讚，因為實在是夾到一個點呢，熱辣辣的炸薯條，胖胖的的、肉肉的，每一條薯條入都充滿著啖啖的薯肉，絕對是薯條控的恩物。「大蝦鮮果沙津」原隻鮮蝦送上絕不失禮，而且份量絕對沒有因而減少，新鮮爽甜的沙津菜和蕃茄，配上開胃的沙津醋，真心好醒胃。「蒜蓉燒雞翼」蒜蓉味濃郁，入晒味，雞翼烤得很香脆，4隻不太夠，後來再添加了一碟呢。「卡邦尼意粉」忌廉味香濃的卡邦尼，加上濃郁的芝士香氣，啖啖的煙肉夠晒滿足。***真心推介香港既誠意小店。