串本屋 (已結業)

今日忽然口痕想食串燒，於是放工之後同事去公司附近覓食，路過就發現咗有呢一間日式嘅串燒鋪，於是就坐低一試，呢度座位唔算太多，但每張枱都好闊落坐得好舒服。嚟到呢度一定不是必試佢哋嘅串燒，我哋叫咗好多款唔同種類，牛類我哋試咗鹽燒牛舌芯，佢呢個冇用咗太多嘅調味，完全可以食都好香牛嘅奶香！另外仲試咗佢哋嘅美國安格斯牛肉串，呢個佢哋燒得好嫩，牛肉啲汁仲可以保留係肉入面，出面一啲都唔覺得鞋！另外雞類就試咗佢哋推薦嘅雞肉串配辣汁芝士，啲雞肉係嫩到入口即化咁，配搭埋啲芝士好香口，加上少少辣汁配搭簡直一流！當然唔少得要試埋個雞腎，好爽口，食落口感好有咬口。仲有個燒雞中就醃得好入味，外皮燒到好脆，呢個好烤師傅功力！除此之外，仲有試咗佢哋醬汁燒豆腐串同燒鏝魚飯團，呢兩個都係水準之上，豆腐燒到入曬味，同醬汁嘅配搭一流，而個飯團嘅外層燒到外脆內軟，就好似食緊飯焦咁。燒焦糖菠蘿可以當係甜品嚟解膩，好甜口！最後都叫左兩個主食嚟埋尾，我就叫咗個炙燒封門柳蓋飯，飯量好夠，牛肉都幾多。另外朋友叫左個安格期牛肉烏冬，牛肉份量一啲都唔少，烏冬都好大份，性價比算係唔錯。