陸陸雞煲火鍋 (已結業)

天氣不經不覺涼涼地，又係打邊爐的季節，旺角白布街嘅「陸陸雞煲火鍋」係少有高質火鍋餐廳呢邊其實食肆不少，但佢幾時都咁旺場，食材新鮮抵食加上服務又好，係致勝關鍵特別係呢個「陸陸雞煲火鍋海鮮套餐」298元，真係抵到冇朋友，唔試係你嘅損失，點解呀？等我一一話你知除咗座位坐得舒服之外，佢哋點餐都用咗平板電腦，入單快而準首先第一回合，先來一個雞煲，可選不同辣度，店員好細心幫你煮埋，只需坐定定等食就可以，我地就點定啤酒🍻啤啤佢，你話幾咁爽食下又搞下，滋味又惹味，朋友好緊張叫我留肚等下一Round，唔好咁快去盡好喇，食完雞煲，店員換上一個龍蝦湯底，嘩！冇花冇假，原隻龍蝦，離遠已經聞到龍蝦湯味，呢次真係食蝦有蝦味除咗龍蝦湯底之外，再送上一個海鮮拼盤，真係包羅萬有，生蠔、鮮蝦、扇貝、鮑魚、脆肉鯇、帶子⋯⋯應有盡有，點頂呀除此之外，仲有幾款靚靚牛肉，新鮮蔬菜籃，全部無比新鮮，加埋各式各樣的丸類和餃子🥟等等，我出名大食都要投哂降最後送上甜品自家製西瓜🍉冰條，好過癮好好味，食到咁飽又開心，服務又好，好值得推薦比大家