珍一料理 (富榮大廈) (已結業)

夏天到喇，熱到冇乜胃口，想食啲凍嘢。荃灣荃興徑多嘢食係人都知，「珍一料理」 主打涼菜，喺度買番啲涼菜返屋企慢慢嘆就啱晒啦。「珍一料理」主張係屋企都食到餐廳食到嘅味道。同朋友各自嗌左兩個三拼，分別係：「川麻料理」和「五香料理」。川麻料理秘鹵豬爽肉、脫骨香豬肘、香麻牛蹄筋秘鹵豬爽肉相比其餘兩款肉肉質較硬，入口實在。脫骨香豬肘較軟腍易咬。香麻牛蹄筋較彈牙。五香料理豬肚、豬耳、牛筋凍豬肚腍身豬耳爽脆牛筋凍質感好似啫喱。椒麻手撕雞除左有手撕雞肉重有雞腳！因為落左花椒，食落味蕾好麻👅，正！最估唔到嘅係竟然有飯食！東坡肉飯東坡肉好邪惡呀～😍肉同脂肪相間，比例完美！煮得夠腍，配上甜甜地嘅醬汁，送飯一流！🤤