樂天皇朝 (利舞臺廣場) (已搬遷) 新店位置

今日午餐食得太飽，晚餐兩個人來到樂天王朝打算唔叫主食，試下小菜同8色小籠包。醋醬海蜇頭海蜇頭非常爽, 比一般海蜇更有嚼勁，加埋底下的新鮮青瓜, 食到停唔到口。上海風味醬鴨細細碟作為前菜岩岩好，唔會咸， 香口野味，好有驚喜，大家搶住食。醉雞 我地叫左雞脾，大大份有兩層肉，不過略嫌酒味唔够重。 皇朝小籠包食的順序由最淡的原味到人嵾、鵝肝、黑松露、芝士、蟹粉、蒜香，最後食麻辣味。每一隻味都好鮮明，皮薄但唔會一夾就穿，一咬就爆汁，果然係招牌。揚州糟溜滑魚片魚片好滑好彈牙，加埋木耳，想食得健康清淡少少叫呢碟就最岩。