天池日式放題 (已結業)

我地預訂左7位19:30去食,準時到即刻安排入座,地方算係好寬敞,俾卡位我地座,坐得算好舒服,呢樣野係最滿意,入座已經知道有兩種價錢,一種係199加一,另一種係199+88再加一,服務員一坐低會問你加唔加88蚊,我地睇完唔加88蚊既menu,唔加就極小選擇,我地就選擇左加88蚊,野飲方面無酒精飲品供應,機全部寫住維修中,入座同叫我地加88蚊時完全無提呢樣野,雪櫃野飲都係大路野.野食方面無乜特別,自己用電話點野食,刺身/壽司/炸物/羊鞍等等都合格,唯一難食係芝士蠔,好難有更難食,深圳廿蚊7隻好過佢好多,野食由點完到送黎算快,有180分鐘俾你食,鍾意既可以慢慢食,不過都有十款到加完88蚊出現既寫住賣哂,純粹一班朋友聚會都無理咁多,雪糕甜品非常普通,埋單位位315蚊,呢個價錢既日式放題有更多比佢好好多既選擇,野食選擇又唔多,野飲又唔多,甜品又唔多,走既時候朋友都話無下次.