448
59
44
餐廳: 享慢煮意 (善慶街)
優惠: 國泰會員憑「國泰 - 亞洲萬里通」應用程式內會員二維碼，賺高達HKD4 = 2里。受有關條款約束。
條款及細則:
  • 國泰會員於指定夥伴餐廳用膳，付款時須出示「國泰 - 亞洲萬里通」應用程式內的會員二維碼，方可賺取「亞洲萬里通」里數。
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費，每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。
  • 賺取之「亞洲萬里通」里數將根據餐飲與膳食消費，包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
餐廳: 享慢煮意 (善慶街)
資訊:

為推動全港減鹽減糖新飲食文化及新生活態度，環境及生態局、降低食物中鹽和糖委員會及食物環境衞生署食物安全中心推出了「少鹽少糖食店計劃」，參與食肆會提供少鹽少糖選項予顧客，部份更會提供特定減鹽減糖菜式。參與減鹽減糖食肆會獲發計劃標誌，以供張貼於店舖內，供顧客識別。詳情可在此瀏覽：https://www.eeb.gov.hk/food/cn/committees/crss/restaurants.html
等級4
111
0
除咗牛角包，其他食物眼高手低，長文慎入
2020-05-02 507 瀏覽
好友小聚，搵特價Apps搵到嚟呢間，就試吓啦。簡單來講，大家都覺得呢度啲嘢食唔差，只係份量偏小，唔適合大夥兒開心share，而同時，我總係覺得唔知點樣形容嘅係 ... 應該咁講，對我而言，食物唔算係好好食，只係 ... 好夠味 ... 同好夠腍😂😂😂。好，逐樣嘢食講一講先。檸檬薑蜜沙冰坐低冇耐就上飲品，都算幾快，但質素就麻麻哋啦。檸檬薑蜜沙冰嘅份量真係好細好細杯，隻杯好瘦，分量可能等於普通甜品店嘅一半。打出嚟嘅沙冰質素亦唔算好，唔夠綿，而上枱嘅時候杯底部份已經溶咗好多，搞到汁還汁雪還雪，唔掂！龍蝦湯流心牛角包無可否認，係手工同gimmick兼備嘅出品，龍蝦湯流心味道十分香濃，牛角包亦焗得好脆 ... 但最大嘅問題係，食客識唔識有技巧咁切開個牛角包嚟食，否則會搞到好核突。仲有，用隻碟嚟上有湯嘅食物，都真係幾違和，因為喺隻碟上面，你根本無辦法食埋剩低嘅龍蝦湯，俾咗錢，但又食唔到，真係好浪費，又或者你搵隻叉篤住嚿牛角包喺隻碟上面不停抹呀抹呀抹呀，抹乾淨晒隻碟😂😂😂有機青口櫻花蝦多士呢度前菜其實感覺有啲九唔搭八，隻碟上面分別有三個元素：櫻花蝦多士、醋汁青口、櫻花蝦多士。諗咗好耐點解要將青口同櫻
更多
好友小聚，搵特價Apps搵到嚟呢間，就試吓啦。簡單來講，大家都覺得呢度啲嘢食唔差，只係份量偏小，唔適合大夥兒開心share，而同時，我總係覺得唔知點樣形容嘅係 ... 應該咁講，對我而言，食物唔算係好好食，只係 ... 好夠味 ... 同好夠腍😂😂😂。好，逐樣嘢食講一講先。
10 瀏覽
0 讚好
0 留言
檸檬薑蜜沙冰
坐低冇耐就上飲品，都算幾快，但質素就麻麻哋啦。檸檬薑蜜沙冰嘅份量真係好細好細杯，隻杯好瘦，分量可能等於普通甜品店嘅一半。打出嚟嘅沙冰質素亦唔算好，唔夠綿，而上枱嘅時候杯底部份已經溶咗好多，搞到汁還汁雪還雪，唔掂！
4 瀏覽
0 讚好
0 留言
龍蝦湯流心牛角包
無可否認，係手工同gimmick兼備嘅出品，龍蝦湯流心味道十分香濃，牛角包亦焗得好脆 ... 但最大嘅問題係，食客識唔識有技巧咁切開個牛角包嚟食，否則會搞到好核突。仲有，用隻碟嚟上有湯嘅食物，都真係幾違和，因為喺隻碟上面，你根本無辦法食埋剩低嘅龍蝦湯，俾咗錢，但又食唔到，真係好浪費，又或者你搵隻叉篤住嚿牛角包喺隻碟上面不停抹呀抹呀抹呀，抹乾淨晒隻碟😂😂😂
2 瀏覽
1 讚好
0 留言
有機青口櫻花蝦多士
呢度前菜其實感覺有啲九唔搭八，隻碟上面分別有三個元素：櫻花蝦多士、醋汁青口、櫻花蝦多士。諗咗好耐點解要將青口同櫻花蝦多士擺埋一齊呢？無論味道、口感、視覺，完全係違和嘅，感覺就好似喺屋企開大食會，求其將啲唔同嘅嘢擺埋喺同一隻碟上面！咁點解我要叫？因為係好奇心驅使底下，好想知道究竟櫻花蝦多士係乜嘢？我仲以為係將櫻花蝦撈咗落去啲蝦膠搽上塊面包炸出嚟嘅「蝦多士」，點知原來係將一啲類似加入咗櫻花蝦嘅馬拉盞醬搽上塊「多士」，所以，個醬味道根本係好濃，濃到係唔係櫻花蝦都冇關係，總之就食到一啲類似剁碎咗嘅蝦米咁啦 ... 你可能會challenge我，你講嘅「蝦多士」係中菜嚟㗎喎，但我會話，馬拉盞搽麵包，係馬拉菜嚟㗎喎，都唔見得係呢間所謂嘅法國菜吖！😂😂😂
9 瀏覽
0 讚好
0 留言
慢煮香草雞胸穀物意大利飯
賣點除咗慢煮雞胸之外，就係用生熟薏仁取代意大利米做嘅所謂「意大利飯」，但都係果句，違和感好強，食生熟薏米嘅感覺，就好似食緊阿媽用嚟煲完清補涼湯嘅生熟薏米湯渣咁樣，好奇怪！至於雞胸，好腍，好入味，入味到淨係食到調味，食唔到雞肉本身嘅味道。
5 瀏覽
0 讚好
0 留言
西班牙黑毛豬腩配香甜南瓜蓉
焗豬腩其實好難做得唔好食，食得豬腩就係預咗食肥，是否做到脆皮，就睇師傅功力啦！肥膏入口即溶，但唔算係我杯茶，如果係做到爽嘅肥膏先至覺得叫perfect！擺碟都算唔錯，用唔同味道嘅醬汁劃花，都算有啲心思，只係花紋都屬於比較傳統嘅一類，冇乜新意。
4 瀏覽
0 讚好
0 留言
澳洲牛面頰配配芋絲及薯蓉
都係好腍，好入味，今次唔止入味到淨係食到調味，都終於食到d牛肉本身嘅肉味。但份量就真係細到呢 ...四個人開心share，只係每人薄薄的一嚿！
5 瀏覽
0 讚好
0 留言
香煎培根卷紐西蘭羊肩肉配咖喱奶酪醬及薯蓉
食到最後呢味，印象只係食到一塊好鹹嘅煎bacon，咁樣用塊bacon 包住舊羊肉嚟煎，覺得浪費左嚿羊肉囉，蓋過曬啲羊肉味。至於擺碟d醬汁似d乜，似咩囉！自己想像吓啦！
3 瀏覽
0 讚好
0 留言
真空慢煮法式焦糖燉蛋
唔理你點樣真空點樣慢煮啦，出嚟燉蛋嘅口感係非常非常非常糊口，漿實晒個咀，咁樣唔係叫滑囉！


真空慢煮法式芝士蛋糕
除咗用個樽裝住嚿所謂芝士蛋糕之外，普普通通，冇乜特別，至於點樣真空同慢煮就真係唔清楚啦。


紫薯黑糯米配椰子雪糕
以為紫薯黑糯米係主角，點知嚟到見到擺盤椰子雪糕先係主角😂😂😂，紫薯黑糯米收埋咗喺最底，食唔到有紫薯嘅味道，只係食到紫糯米嘅味道，只糯米處理得差，偏硬唔夠軟熟，只要紫薯，可能只係灑喺椰子雪糕上面嘅紫薯粉。


總括來講，有六折每人食咗二百幾蚊，都唔係價錢嘅考慮，始終係食物！老實講，真係唔算飽。食過就算，除咗牛角包比較特別，其他都係顯得眼高手低。


服務就算係有禮貌嘅，好有禮貌咁不停催你埋單交返張枱比佢哋咁囉。










(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
張貼
評分
味道
環境
服務
衛生
抵食
用餐日期
2020-04-30
等候時間
10 分鐘 (堂食)
用餐時段
晚餐