影片
更多
2018-07-03
33 瀏覽
身邊朋友成日都話要支持小店，今日就黎到呢家食烏冬既小店支持下。一入到去都嚇左嚇，真係只有十個位左右，比較的骰，不過其實間鋪頭大細並唔重要，最緊要係啲嘢好食！一坐低, 已經見佢將個menu放左係枱面，原本當墊枱紙用，過埋膠夠環保！你樽卜卜平時食冷烏冬嘅時候用但係食湯烏冬嘅時候我又未試過加，到底正宗食法係點架呢？今次叫咗一個金湯烏冬配黑毛豚肉。金湯其實即係喇沙湯，用喇沙湯底食烏冬都係第一次見。平時食喇沙有時會驚佢好辣，食到成身標晒汗，對於我呢啲唔食得辣嘅人真係又愛又恨。好在佢呢個湯底唔算啦而且非常香濃有啲似新加坡一個品牌嘅喇沙味道。烏冬個質地彈牙，而且唔會一pat pat,係用比較高級既貨，既然間鋪頭主打烏冬就梗係用返啲好嘅嘢啦！豚肉片唔太有驚喜，不過分量唔少，足夠配成碗烏冬食到尾。另外個烏冬都有其他配料例如紫菜同埋木耳絲，仲有一舊好清甜嘅蘿蔔非常唔錯！另外叫左個燒牛舌，本身以為一串串咁燒好上，點知佢已經一塊塊放好係碟方便夾黎食。牛舌唔算十分彈牙，但個味道搭夠，燒得好香同埋調味適中唔會做到太咸。而且分量足有六塊，性價比算係幾高。見個肚仲有空間就多嗌一份八爪魚球。唔知點解餐牌上寫嘅係球而唔係
一入到去都嚇左嚇，真係只有十個位左右，比較的骰，不過其實間鋪頭大細並唔重要，最緊要係啲嘢好食！
一坐低, 已經見佢將個menu放左係枱面，原本當墊枱紙用，過埋膠夠環保！
你樽卜卜平時食冷烏冬嘅時候用但係食湯烏冬嘅時候我又未試過加，到底正宗食法係點架呢？
今次叫咗一個金湯烏冬配黑毛豚肉。金湯其實即係喇沙湯，用喇沙湯底食烏冬都係第一次見。平時食喇沙有時會驚佢好辣，食到成身標晒汗，對於我呢啲唔食得辣嘅人真係又愛又恨。好在佢呢個湯底唔算啦而且非常香濃有啲似新加坡一個品牌嘅喇沙味道。烏冬個質地彈牙，而且唔會一pat pat,係用比較高級既貨，既然間鋪頭主打烏冬就梗係用返啲好嘅嘢啦！
豚肉片唔太有驚喜，不過分量唔少，足夠配成碗烏冬食到尾。
另外個烏冬都有其他配料例如紫菜同埋木耳絲，仲有一舊好清甜嘅蘿蔔非常唔錯！
另外叫左個燒牛舌，本身以為一串串咁燒好上，點知佢已經一塊塊放好係碟方便夾黎食。牛舌唔算十分彈牙，但個味道搭夠，燒得好香同埋調味適中唔會做到太咸。而且分量足有六塊，性價比算係幾高。
見個肚仲有空間就多嗌一份八爪魚球。唔知點解餐牌上寫嘅係球而唔係平時嘅丸。有四粒熱辣辣。當然呢一間並唔係八爪魚丸專門店，唔會有個味道係會驚為天人嘅期望。但作為一間烏冬店嘅小食係水準之上的。
近年香港人對於小店嘅態度有時比較兩極化，話有啲小店價錢貴質素又低，但對一啲有心做嘅小店我哋係應該支持嘅！
張貼
