君戶鍋貼大王

營業中

休息中

準備睇演唱會，最方便當然係喺尖東搵嘢食。由於想快，又唔想食得咁heavy，就入咗嚟呢間。點知，中！大！伏！ 我叫咗一份韮菜水餃，加一杯豆漿，同行友人叫咗一份鍋貼，同埋一個牛肉包。 我嗰碗韮菜水餃係清湯底，仲有啲椰菜，好似好健康咁喎。一放入口，嘩，除咗鹹，只有鹹，無論個湯同埋啲餃都係鹹，啲菜索晒湯就當然更鹹。都未食到一半已經渴死。鹹成咁，隻餃包成點都冇用啦，更何況佢撇開呢個問題都只係不過不失。友人亦都話佢啲鍋貼都有同樣嘅問題。 好可惜冇影低食物，但我哋離開咗都不忘要回頭影返嗰店面，警惕我哋千祈唔好再重蹈覆轍。