富記粥品 (已結業)

第一次嚟呢到食飯。因為朋友喉嚨痛想食粥，就上網搵到呢間餐廳。原來除咗粥，小菜都一樣咁好食。我地6個人，叫咗個魚腩豆腐菜心湯，菠蘿肉粒炒飯，椒鹽鮮尤，肥牛粉絲煲，仲有碗粥(我冇食到)首先要講下個湯，我留意到好多客人都有嗌湯飲😮 即管試下，又唔腥喎，d魚仲好滑！有屋企feel 的湯，不過棵菜心硬咗少少。炒飯好食，夠乾身，一粒粒的飯，冇結埋一舊。椒鹽鮮尤炸起熱辣辣😋唔會好厚粉！好惹味呀！肥牛粉絲煲就，，，，，，一層油喺面，我食咗一啖就冇食了。