泰太廚房

營業中

休息中

泰式皮蛋炸蝦餅唔係度度泰國舖頭都見到呢個菜式。一上枱熱辣辣，加埋個甜酸醬汁，簡直冇得頂！泰太咖喱蟹肉焗麵包小霸王。侍應姐姐嚟到台前，將巨大嘅麵包逐段切開，原來裏面係咖喱混合嘅蟹肉，配合焗到香脆嘅麵包真係第一次食。青咖喱牛肉。呢味真係冇得輸，食咗兩啖即刻要加番個白飯。推介推介！泰式生蝦。尚算新鮮，略嫌個汁辣到太勁，自己有啲頂唔順。生菜包。又係推介，味道配搭平均，唔會太濕唔會太乾，生菜分量十足，五個人食都夠。馬拉盞炒椰菜苗，略嫌辣度唔多夠，勝在椰菜苗夠新鮮。泰式燒鱔片。呢味菜又係一絕，燒到啱啱好，有份同埋鱔肉入口即溶，加埋個醬汁又醒胃又惹味。飲品方面，揀咗新鮮椰青同埋龍眼冰，都係冇失禮。