金鶴拉麵 (九龍城道) (已結業)

最近約左朋友M去左土記一間拉麵店食野聚舊，聽聞好似出左隻新拉麵，當然要試下啦。點完餐後，我地都叫左啲野飲，呢兩支其實都係冷榨果汁，飲落真係原汁原味之餘，唔會有渣，飲落好清新好爽。呢個就係北海道極濃蟹湯拉麵，叉燒夠多塊，啲蟹肉係爆多，蟹湯濃稠未試已經覺得好正。吃過後，就覺得呢碗拉麵好高質，應有盡有，心機之作，下次黎應該都會keep住叫返呢碗。當然啦，都會叫返啲小食食下，其中餃子都唔錯，煎到熱辣辣之餘仲可以一口搞掂。燒牛舌其實都好蝦人整，但係呢間整得恰到好處，唔會燒得太耐而鞋口，值得叫多串黎食。明太子釀雞翼外皮酥脆，餡內有飽滿嘅明太子，食落明太子有少少辣，不過好好食。照燒鰻魚真係好高質，油脂豐富不在話下，醬汁好似蜜糖痴左係啲鰻魚度，食落好滿足，真係有係日本食鰻魚嘅質素。