火鍋頭 (已搬遷) 新店位置

今晚同老公食火鍋，一入去服務店員服務友善。本來想諗住叫豆腐魚湯底，但原來要兩日前打去定，最後叫咗花膠雞湯底。食物方面叫左手切牛、牛丸、芝士丸、魚卜、牛柏葉、支竹，飲品叫左酸梅汁。當阿靚姐俾支酸梅湯汁我地時，佢話得返半咋，當送俾我哋（好好人）。飲完之後諗住叫竹庶茅根，阿姐從我同先生傾計口中知我懷孕，仲好心叫我唔好食乜飲乜，最後只飲水，個刻覺得阿姐做生意有良心。講返嘢食，花膠雞湯底真係好正，手切牛亦不錯！最後食到超飽，埋單亦不算太貴，會再來