阿爺八鮮鍋 (已結業)

成日行過家樂坊, 都見到大大個招牌寫住阿爺八鮮鍋, 今日終於搵到朋友陪我嚟, 老細超級歡欣, 一埋位就拎個骰盅出嚟話有抽獎遊戲玩😂雖然我同朋友都冇中獎, 但感覺超開心🥳餐廳除咗可以打邊爐, 仲可以訂位食私房菜, 我哋今次揀咗打邊爐, 食物超級豐富, 一個價錢可以食到刺身, 燉湯, 雞煲, 仲可以打邊爐! 超級抵食😁入座後先送上兩隻小杯, 原來係牛柏葉, 湯底超級鮮味! 牛柏葉煮得剛剛好, 質素極高😋今晚嘅燉湯係花膠湯, 好足料!! 差唔多三份一盅係湯料, 味道香濃, 勁滋潤😋刺身新鮮, 特別係象拔蚌刺身, 清甜爽口! 食完雞煲之後會換上清湯湯底, 海鮮拼盤亦非常新鮮! 鮑魚大大隻, 龍蝦肉質又結實又彈牙! 令人非常滿足!