呢日見到呢間粥底海鮮梗係要試下!!
佢一黎有個海鮮拼盤，當中有蝦有蟹有帶子有貴妃同鮑魚。仲加埋D視覺效果，好期待好吸引!!!
佢有D特別，佢會先將D雞同埋蟹落個鑊加D酒同火炒一炒，炒嘅時候真係聞到超香~ 又有視覺效果HAHA
之後佢就落湯底喇，佢呢度唔係用清粥水湯底，而係用南瓜湯底，少少甜少少咸，吊到D海鮮的鮮味!
店員會逐一幫我地落D海鮮，幫我地計時，冉5我地夾D食物出黎
D海鮮我個人認為全部都好新鮮好鮮甜，肉又夠爽!
佢地除左海鮮拼盤，係落粥底前仲有幾款食物比你打邊爐食，有張紙比你揀，我地就揀D肉揀D蔬菜同餃咁
到最後就會加白粥，白粥加埋海鮮鮮味同南瓜味好正!!!
不過都有一點，佢南瓜湯底就應該唔係純南瓜..所以除左南瓜甜味..係有DD咸過頭... 不過DD啦，都可以
另外，佢呢度都係一個價錢一個SET咁做，飲品不包，要飲野就要另外ORDER!
總括黎講，二百幾有多款海鮮又夠飽到上喉嚨，都唔錯
