功夫點心

大熱天時去功夫點心食下點心歎個包，原本都相安無事，點知阿姐嚟錯咗點心，屋企人以為碟腸粉係我地點倒咗啲時候落去打算食嘅時候原來碟腸粉係隔離枱點，自己唔怪自己送錯點心反而將責任全部推晒比個客，依家咁嘅服務態度真係非常之好呀
除咗有咁嘅服務質素之外，呢間舖頭嘅最大賣點就係餐廳冇冷氣唔夠冷氣，搞到我哋一路食，一路流汗，一路用手提風扇自己吹，希望管理層可以正視呢啲問題啦，其實嘢食都唔錯嘅
最估唔到就係原來呢間鋪頭係愛回家嘅王俊棠棠哥都有份，棠哥俾人哋嘅感覺係非常之有禮貌同親切，但係原來旗下嘅公司員工對客人嘅服務態度係非常之惡劣，真係非常大嘅諷刺