影片
更多
2021-11-17
35 瀏覽
誤打誤撞去咗呢間食泰式船麵，從未食過泰式船麵，原來似車仔麵，有得自選麵底，分別有金邊粉，河粉，米粉，粉絲，蛋麵！真心有驚喜，比想像中好食，仲好多人買外賣排隊等添 ！🍴牛肉船麵 $60 (自選麵底 蛋麵)牛肉船麵配料有兩塊牛腩，三粒牛丸，再加芽菜，通菜，花生碎同炸豬皮，麵就揀咗蛋麵(有得自選麵底)。湯底牛骨湯，深啡色，偏濃味嘅湯底，味道香濃但唔咸，飲曬都唔口渴！蛋麵係手工造嘅，似港式粗麵但冇鹼水味，口感彈牙。牛腩好好食，炆得入味好淋，食落唔痴牙有牛味，牛丸細細粒，牛味冇乜但都幾彈牙，唔知係咪正宗泰國味但好好食！🍴泰式椰子雞湯麵 (自選麵底 金邊粉) $58配料有雞肉，雜菇，車厘茄。湯底清香椰子味，但椰子味未到椰汁咁濃，相反泰式香料個味出啲，咸咸哋，飲落好補身！雞肉就正常雪雞扒，都整得嫩滑。個人覺得椰汁應該係要甜嘅，所以牛肉船麵好食好多！🧋凍泰式奶茶 少冰 (甜度固定) $24紅茶底，茶味超香濃，一啲都唔甜，好驚飲泰式奶茶好甜😂但呢個唔會，煉奶同茶比例啱啱好，完全襯托出茶味香濃，有少少茶嘅澀味(可能太濃)，好好飲！🧋凍泰式綠奶茶 少冰 (甜度固定) $28綠茶底(問過店員，仲以為係班蘭味L
🍴牛肉船麵 $60 (自選麵底 蛋麵)
牛肉船麵配料有兩塊牛腩，三粒牛丸，再加芽菜，通菜，花生碎同炸豬皮，麵就揀咗蛋麵(有得自選麵底)。湯底牛骨湯，深啡色，偏濃味嘅湯底，味道香濃但唔咸，飲曬都唔口渴！蛋麵係手工造嘅，似港式粗麵但冇鹼水味，口感彈牙。牛腩好好食，炆得入味好淋，食落唔痴牙有牛味，牛丸細細粒，牛味冇乜但都幾彈牙，唔知係咪正宗泰國味但好好食！
🍴泰式椰子雞湯麵 (自選麵底 金邊粉) $58
配料有雞肉，雜菇，車厘茄。湯底清香椰子味，但椰子味未到椰汁咁濃，相反泰式香料個味出啲，咸咸哋，飲落好補身！雞肉就正常雪雞扒，都整得嫩滑。個人覺得椰汁應該係要甜嘅，所以牛肉船麵好食好多！
🧋凍泰式奶茶 少冰 (甜度固定) $24
紅茶底，茶味超香濃，一啲都唔甜，好驚飲泰式奶茶好甜😂但呢個唔會，煉奶同茶比例啱啱好，完全襯托出茶味香濃，有少少茶嘅澀味(可能太濃)，好好飲！
🧋凍泰式綠奶茶 少冰 (甜度固定) $28
綠茶底(問過店員，仲以為係班蘭味LOL)對比下呢杯超清香，唔甜，飲落係好fresh，好清香嘅綠奶茶！
推薦指數: 9/10
CP值高，每樣野都好好食，奶茶個人覺得好飲過ChaTraMue，太甜啦！
張貼
