阿升麵線 (已結業)

上星期我妹妹介紹了一間新開張的台灣小食, 有麵線和炸物, 位於旺角弼街。呢間都有好多人排隊, 而且d嘢食都唔算貴。我和老公立即去試食, 我點了大碗的蟹肉, 帶子大腸麵線, 老公也點了大碗的蚧肉, 帶子大腸麵線, 湯底已經好濃好入味, 加上可以再加餸, 所以都幾飽肚的感覺。餸有5款, 有蚧肉, 蟹肉, 帶子, 蠔仔 & 蝦肉, 仲可以自由加配菜, 有勁辣炸菜, 辛菜圃, 辣椒醬, 蒜汁 & 醋等等。 我倆都覺得好好味, 幾大碗好食過亞土麵線, d帶子大大粒, 蟹肉又新鮮, 而且果日新開張, 買大腸麵線仲會送一杯金枯檸檬, 正!可能未食lunch, 所以還可以試埋佢d小食, 點了鹽酥雞(細), 都好香, 好脆, 仲可以選擇辣度, 有小辣或大辣, 不過小辣已經好辣了。 之後點了台式花枝丸, 加了少少華鹽, 好香, 熱騰騰又大粒, 好味好正, 大家不妨一試!