影片
更多
2021-04-26
19 瀏覽
Lockeroom Dining之前去過朗晴坊分店，質素相當唔錯。最近知道佢哋喺油麻地開咗分店，而且餐廳座位更加舒適，所以今日就去咗油麻地分店食午餐。餐廳同樣以阿仙奴呢對球隊為主題，各位足球迷千祈唔好着錯其他球隊嘅波衫嚟，否則一定會好尷尬。🔸香辣蕃茄醬海鮮意大利天使麵（ $65 ）香辣嘅味道嚟自Tabasco，基本上加左Tabasco都唔會有咩出錯。另外配上茄醬、茄蓉，味道酸酸甜甜，同海鮮好夾。🔸炭烤西班牙橡樹果黑毛豬柳（$85)西班牙橡樹果黑毛豬肉質細嫰，而且帶有獨特的堅果香味，簡單炭烤已經好好味。伴碟嘅薯菜都好有誠意，蔬菜用炭烤處理過，另外用左紫薯做薯蓉，味道香甜。而且仲可以加配意大利粉，份量十足。🔸脆燒原隻德國鹹豬手（ $178 ）德國鹹豬手非常大隻，建議三、四個人share！豬手除左大隻之外，豬肉軟腍腍，豬皮油油亮，咬下一口鬆脆。廚師已經細心地切開豬手，食用時好方便。豬手皮脆，肉嫩多汁。另外仲配上洋蔥圈、沙律同埋兩款醬汁，非常豐富。🔸脆炸法國雜蘑菇（ $68 ）蘑菇表面加上炸衣，包住酥炸過的蘑菇，令蘑菇水份牢牢鎖緊，外酥內多汁，色澤金黃之餘，香脆可口。係一道唔錯嘅前菜。
之前去過朗晴坊分店，質素相當唔錯。最近知道佢哋喺油麻地開咗分店，而且餐廳座位更加舒適，所以今日就去咗油麻地分店食午餐。
餐廳同樣以阿仙奴呢對球隊為主題，各位足球迷千祈唔好着錯其他球隊嘅波衫嚟，否則一定會好尷尬。
🔸香辣蕃茄醬海鮮意大利天使麵（ $65 ）
香辣嘅味道嚟自Tabasco，基本上加左Tabasco都唔會有咩出錯。另外配上茄醬、茄蓉，味道酸酸甜甜，同海鮮好夾。
🔸炭烤西班牙橡樹果黑毛豬柳（$85)
西班牙橡樹果黑毛豬肉質細嫰，而且帶有獨特的堅果香味，簡單炭烤已經好好味。伴碟嘅薯菜都好有誠意，蔬菜用炭烤處理過，另外用左紫薯做薯蓉，味道香甜。而且仲可以加配意大利粉，份量十足。
🔸脆燒原隻德國鹹豬手（ $178 ）
德國鹹豬手非常大隻，建議三、四個人share！豬手除左大隻之外，豬肉軟腍腍，豬皮油油亮，咬下一口鬆脆。廚師已經細心地切開豬手，食用時好方便。豬手皮脆，肉嫩多汁。另外仲配上洋蔥圈、沙律同埋兩款醬汁，非常豐富。
🔸脆炸法國雜蘑菇（ $68 ）
蘑菇表面加上炸衣，包住酥炸過的蘑菇，令蘑菇水份牢牢鎖緊，外酥內多汁，色澤金黃之餘，香脆可口。係一道唔錯嘅前菜。
張貼
