M3 Italian (已結業)

經驗非常差，食到一肚氣！剛剛開業時河畔分店同大圍分店都幫襯過，有現場演唱，氣氛好好，宜家完全兩個樣。侍應由confirm booking 嗰刻已經非常冷淡，去到就全餐廳上下全程黑面，期間不斷趕客走，已經叫曬前菜、主菜、酒同甜品唔係齋坐，訂座時亦只表明9點9要離座。最妙係去廁所期間，外面有疑似洗完阿嬸唔知有意定無意俾客聽，用粗口鬧D 客食飽唔走。星期五晚去食扒有酒飲西餐廳，坐2個鐘會有咁樣待遇。講番食物，同個價錢完全唔成正比，成4舊水塊扒但冇肉味兼煎過火，沙律舊雞又乾又柴，西班牙乳豬塊皮硬到完全冇鬆化感覺，其他普普通通。疫情過後依然咁嘅服務態度，唔想做不如執左佢啦！