蘇媽.蘇媽馬來西亞茶餐室 (已結業)

🍴蘇媽.蘇媽馬來西亞茶餐室 @尖沙咀🍴 好耐之前已經食蘇媽.蘇媽，覺得味道都唔錯。之前試過佢既招牌砂煲老鼠粉，好大兜好香口幾好味，所以今次黎試下佢Ｄ小食類先。------------------------------🔵百吉爹肉骨茶(棒棒骨) $98一直都無試過佢既肉骨茶，今次就試下先。一開始店員會用個壺倒左杯茶俾你先，之前再上個煲。嘩！肉骨茶好甜再加上藥材味，好易入口好好飲！枱面張紙有教你點樣整醬汁同飲茶，個棒棒骨D肉勁滑好有肉味！好推介！🟢椰香咖央多士$35最近好想食咖央多士，所以就叫左黎食。味道都可以，正常發揮，不過個人鍾意食大大舊牛油，覺得會香口D，所以有少少失望。🟣海南鴛鴦燒麵包$45見到呢個包好似好吸引就叫左黎食，但我唔係好食到個包有咩味。佢係焗過食落去脆卜卜，而呢個包就有大大舊牛油，所以覺得呢個好食D！🔴檳城香炸滷肉卷$58一上碟已經見到好大舊肉呀，食食下覺得都幾濟幾飽。肉既味比較淡，味道黎講個人唔太鍾意，同埋個醬有陣唔知係咪魚介味呢？可能有人會鍾意呢種味既，個人口味不同。🟠怡保白咖啡$22咖啡味道都唔錯幾香幾滑，同埋唔會太甜。