影片
更多
2019-05-04
29 瀏覽
幾經辛苦終於大家夾到日子，約齊人食飯喇，今次同樣尖沙咀，方便大家收工過黎。見有間新野，大家都未試過，就揀左呢間洪鼎重慶火鍋。環境Book 左枱，去到就入得，環境光猛又乾淨，啲枱唔會同隔離痴得好近，整體感覺好舒服。每張枱旁邊都有架餐車，除左方便放野食，餐車上面仲有圍裙、濕紙巾、紙巾提供。除此之外，仲有個貼心位，就係個餐牌每款餸側邊都寫左要淥既時間。打邊爐除左個食材新鮮，時間掌握都好關鍵!服務我地一坐低，侍應好主動推介菜式，個湯底到左又叫我地試飲個湯先，上菜時又會講下佢有咩特色，點樣淥好食啲。真係要讚!食物前菜有炸黃豆同蕎頭，啲黃豆炸到好似Nuts 咁好脆口，等湯底滾既時候我已經食唔停口。醬料區係自助的，除左平時嗰啲，較有特色的有黑醋、辣蝦醬，同埋每枱都有一小罐特別香既麻油。值得一提係個放調味料既碗有一邊係有篩，幫你隔走啲湯/油，好貼心既設計。雖然間野叫洪鼎重慶火鍋，擺明招牌係食重慶辣野，偏偏我地幾個都唔食得辣，好在仲有好多選擇，湯底我地揀左松茸鮮菌湯，個湯好好味仲有好多菇，但掛住飲唔記得影相，哈哈。唔食辣都揀呢間，其實係因為見到個 『盛肉拼盤C餐』好吸引，入面全部都係澳洲M4/M5級和牛
環境
Book 左枱，去到就入得，環境光猛又乾淨，啲枱唔會同隔離痴得好近，整體感覺好舒服。每張枱旁邊都有架餐車，除左方便放野食，餐車上面仲有圍裙、濕紙巾、紙巾提供。除此之外，仲有個貼心位，就係個餐牌每款餸側邊都寫左要淥既時間。打邊爐除左個食材新鮮，時間掌握都好關鍵!
服務
我地一坐低，侍應好主動推介菜式，個湯底到左又叫我地試飲個湯先，上菜時又會講下佢有咩特色，點樣淥好食啲。真係要讚!
食物
前菜有炸黃豆同蕎頭，啲黃豆炸到好似Nuts 咁好脆口，等湯底滾既時候我已經食唔停口。
醬料區係自助的，除左平時嗰啲，較有特色的有黑醋、辣蝦醬，同埋每枱都有一小罐特別香既麻油。值得一提係個放調味料既碗有一邊係有篩，幫你隔走啲湯/油，好貼心既設計。
雖然間野叫洪鼎重慶火鍋，擺明招牌係食重慶辣野，偏偏我地幾個都唔食得辣，好在仲有好多選擇，湯底我地揀左松茸鮮菌湯，個湯好好味仲有好多菇，但掛住飲唔記得影相，哈哈。
唔食辣都揀呢間，其實係因為見到個 『盛肉拼盤C餐』好吸引，入面全部都係澳洲M4/M5級和牛。有圖有真相，個賣相真係同Menu 既一樣。入面有牛胸肉、牛肩肉、肩後肉、三角肉同M9和牛牛丸。講真我食唔出唔同部位有咩分別，但牛味香濃又唔韌，仲有少少油脂喺口入面融化，呢個價錢有呢個級數好抵食。
另一個值得推介既係鮮蝦水餃，個皮係類似雲吞皮，夠薄，入面啲蝦都幾多又夠爽，好食。
素菜方面我地叫左萵荀、白菜、手工黑豆腐，全部都新鮮，而且每款都只係$38，好抵!
飲品叫左自家竹蔗水，自己煲係唔同啲，寧舍清熱解渴，又唔會太甜。
總結﹕食材新鮮，乾淨衛生，性價比高，好適合一班人聚會。
溫馨提示﹕晩上八點半前埋單仲有七折。
張貼
