Green Waffle (已結業)

因為唔係好餓，叫咗兩個熱食同一杯野飲一適分享。嚟到專食窩夫嘅食店，竟然反而係叫咗一個朱古力熱香餅早餐跟朱古力醬。熱香餅幾厚身，蛋味好香濃，一切落去，十分鬆軟，配以朱古力醬香濃帶點甜甜的，女生必定中意。熱香餅上有cream，好滑又重奶味，唔會好膩，食完唔會有一種好飽好飽嘅感覺。墨西哥煎餅早餐感覺好健康，有大量嘅蔬菜配料，車打芝士，炒蛋，蕃茄，洋蔥，青椒，香腸，酸忌廉配薯粒等，口感非常豐富。煎餅表面帶小許香口，分量十足。芝士熱溶會拉絲，配上炒蛋滑滑的好夾。另外薯粒亦好食，薯仔味好濃。Oreo milkshake好好飲，打得好細滑，用咗好多oreo整，oreo味很濃，每一淡都食到oreo碎，增加入口嘅口感同層次。奶味既重又香甜，兩個人飲都ok。放假想坐下食下野或者甜品，又或者小情侶想拍下拖食下野，呢到會係一個幾好嘅選擇！