影片
更多
2018-04-09
3416 瀏覽
老友心情唔好，要我開解一下，所以我帶佢去了荃灣一間好有人氣的日式放題餐廳食日式放題，實行將憂鬱化為食量。閒日，7點鬆啲，已見人頭湧湧，好明顯呢間餐廳必有過人之處。被安排坐在這張檯，檯號311，心裡有點心噏，因為諗起日本福島311事件。弊! 連自己都憂鬱埋添。嗱臨走去雪櫃拎罐麥啤自隊，解鬱先。老友就去 salad bar嗰邊，自製了一碟沙律來食。有兩隻青口、粟米粒、生菜。佢話青口好新鮮，唔腥，肉地好。呢度服務都幾好，呢頭入完order 紙，無幾耐嘢食就陸續上來。【鹽燒海蝦、燒雞翼】每人每樣一隻。海蝦都新鮮，肉質扎實，而且有鮮味。雞翼都燒得好香，而且入味。【虎蝦天婦羅】沒有想像中的虎蝦那麼大，size 細咗少少。不過，炸漿都夠薄，所以食起來口感都唔錯。【刺身拼盤 1】係老友自己搶住入order 的，佢話食放題，一定要食呢啲，仲要放開心情去食，咁先可以解鬰。三文魚、北寄貝、三文魚、拖羅、帶子、赤蝦、甜蝦等，用冰鎮住來上，樣樣都好新鮮，超正!【焗蠔北海燒、焗迷係蟹蓋】這兩個味道OK，但係略嫌唔夠熱。【千島蝦多士】第一次在放題餐廳食到蝦多士，幾特別。多士烘得脆口，配合埋鮮蝦肉和菠蘿粒，口感豐富又
閒日，7點鬆啲，已見人頭湧湧，好明顯呢間餐廳必有過人之處。
被安排坐在這張檯，檯號311，心裡有點心噏，因為諗起日本福島311事件。
弊! 連自己都憂鬱埋添。嗱臨走去雪櫃拎罐麥啤自隊，解鬱先。
老友就去 salad bar嗰邊，自製了一碟沙律來食。有兩隻青口、粟米粒、生菜。佢話青口好新鮮，唔腥，肉地好。
呢度服務都幾好，呢頭入完order 紙，無幾耐嘢食就陸續上來。
【鹽燒海蝦、燒雞翼】
每人每樣一隻。海蝦都新鮮，肉質扎實，而且有鮮味。雞翼都燒得好香，而且入味。【虎蝦天婦羅】
沒有想像中的虎蝦那麼大，size 細咗少少。不過，炸漿都夠薄，所以食起來口感都唔錯。【刺身拼盤 1】
係老友自己搶住入order 的，佢話食放題，一定要食呢啲，仲要放開心情去食，咁先可以解鬰。三文魚、北寄貝、三文魚、拖羅、帶子、赤蝦、甜蝦等，用冰鎮住來上，樣樣都好新鮮，超正!【焗蠔北海燒、焗迷係蟹蓋】
這兩個味道OK，但係略嫌唔夠熱。【千島蝦多士】
第一次在放題餐廳食到蝦多士，幾特別。多士烘得脆口，配合埋鮮蝦肉和菠蘿粒，口感豐富又好味。【鹽燒牛舌】
燒得香，肉質幾爽口，出色!【汁燒和牛壽司、火灸左口煞邊、火灸芝士玻璃蝦】
一場嚟到，又點可以唔食壽司呢? 仲要食火灸嗰啲。燒和牛、火灸左口魚和火灸芝士玻璃蝦，每款經過火灸之後，多了一重香味，不似得生食咁齋。【海膽手卷、鰻魚手卷】
點都要咁啲米飯落肚先會覺得夠飽，所以，叫了兩個海膽手卷和一個鰻魚手卷。老友每樣要了一個，我就只食海膽手卷。海膽都好多，味道濃。老友話鰻魚都大件，好食。【地獄拉麵】
我食多個地獄拉麵。沒有想像中咁辣，麵質都好彈牙，叉燒入口融化。【刺身拼盤 2】
老友覺得刺身唔夠喉，所以來多個 round。呢個round 特別點了希靈魚和玉子。希靈魚肉下面嗰層黃色嘢好似魚籽咁，食落卜卜脆，好得意。【雪米糍】
有兩款味道: 藍莓芝士和芒果。用來做甜品都唔錯。【Movenpick 雪糕、Dryers 雪糕批】
再放縱地食埋雪糕，就大滿足!埋單，老友搶住俾錢，我當然唔會同佢客氣啦。
張貼
