WAKO SAKE BAR (已結業)

本身對日本酒都有啲興趣，最初見到有網上媒體介紹呢間餐廳有日本酒放題就好快手mark低左，一路去到最近先有機會去試下，果然一試難忘😍對於我地呢啲日本酒嘅BB班黎講，眼見咁多選擇真係無從入手，超過一百款嘅清酒，果酒同燒酌，就連應該由邊度開始試起都搞唔清楚，係我地仲糊哩糊塗咁係度睇緊啲酒標嘅時候，餐廳嘅唎酒師就出現了。。(((我諗佢都睇得出我地望住啲酒滴晒汗咁😅)))呢位哥哥仔好好人，就返我地嘅程度去講解點樣區分唔同口味嘅酒類，根據自己嘅喜好去揀選我地想試嘅野 (((由於選擇性實在太多，如果一晚要試晒全部我地應該返唔到屋企))) 選擇性多不在話下，就連質素都唔差 (((雖然對日本酒嘅知識唔多，但對愛酒人仕黎講，至少會分得出好唔好飲)))，睇得出佢地係有用心去揀選過，有數款酒仲要係期間限定，所以全晚都好驚喜好滿足，因為哥哥仔慷慨嘅開心sharing, 我地仲邊飲邊學到好多新知識😋除左酒類飲品，呢度仲有啲佐酒小食同串燒可以order (((飲幾杯落肚就會有意欲想食少少野，相信喜歡飲酒嘅朋友會好明白)))，我地都試左好幾款，味道不錯，價錢都唔算貴。