蒸廬

營業中

休息中

好鍾意食點心嘅我想試蒸籚好耐架喇，但石門太多選擇，想試多啲嘢所以多數都係掃街好少坐低食。今次終於的起心肝嚟到圓一圓願哈哈。整體感覺好好，員工氣氛好好食得開心，舖面唔大會坐得親密啲。食物即叫即蒸，肚餓嘅記得一坐低即刻QRcode手機落單，飲住茶等兩三個字有得食。兩個人午餐叫左六個點心真係飽到捧住個肚走🤭鮑菇蟲草雞超正！雞件嫩滑又入味、魚肚索晒個雞湯汁入口又好香，得兩個人都要爭住食啲魚肚。唯一係舊杏鮑菇嘅外皮有啲韌，可能要處理過先蒸會易咬啲啦其餘食咗燒賣、南瓜排骨、牛肉球、菜苗餃、馬拉糕，質素中上👍🏻比起富東閣嗰啲老牌酒樓仲係爭啲，但計埋價位鍾意飲茶嘅都非常值得去食！除左私心推薦嘅蒸雞之外，下次都會再試佢嘅招牌菜荷葉蒸飯同燉湯，希望有驚喜！順帶一提，臨走先見到原來佢有daily special嘅糕點同甜品，係限量同埋款式都幾特別架。