芝加哥串燒酒場 (明雲閣)

營業中

休息中

最近都去過好幾間酒吧餐廳，通常都係食西餐。最近去咗呢一間芝加哥串燒酒場，佢哋喺大埔都有間舖。佢哋有好多款串燒可以揀😋😋，適逢世界盃，仲可以睇埋波。除咗啤酒之外，仲有唔少嘅Cocktail可以選擇。叫咗兩款一番咋嘅桂花味同黑加侖子味嘅生啤😋😋，啤酒送串燒係最近嘅配搭😜牛方面叫咗燒黃牛胸爽,串鹽燒牛舌心,安格斯牛肉蘆筍串,燒牛肋條,覺得燒和牛胸爽串幾特別燒到有少少脆嘅口感 咬時候好重牛嘅油脂，健力士黑啤腸同黑毛豬腩串都唔錯。食串燒當然唔可以小咗燒茄子同埋韭菜，好濃郁嘅孜然粉未，略嫌孜然粉多咗少少，變咗有少少苦味。見到佢哋仲有燒海鮮串燒，叫咗佢個燒鮑魚食，都幾抵食。有個細心位做得好好，佢會將鮑魚嘅內臟清潔好先攞去燒，仲要燒到啱啱好唔會靭👍🏻😋另外仲叫咗幾款唔同嘅串燒，我就唔特別講，但整體真係幾好味。