Springfields (已結業)

中環擺花街入口有少少難搵，落一層別有洞天，係一間專食 crepe 既餐廳。朋友叫既 complete crepe，真係好抵食，78蚊一鹹一甜 crepe，但係朋友話鹹嘅crepe就普通咗啲，有少少膩。甜既 crepe 就不錯。另一位朋友叫既 mussels and fries，好入味。我自己呢就嗌咗個魚，諗住食清淡D，點知嚟到都幾油膩。佢啲配菜係幾好食㗎，條魚就鹹左啲啲，同埋都多骨左啲啲。全場最好食係依碟risotto, 蘑菇味好重啊，好香，不過食晒成碟又係會好膩。Carbonara 都好有質素！總括來講，性價比都好高，食物有質素，一啲都唔貴。間餐廳最唔好就係通風唔夠油煙味都幾重，不過你喺地牢大家將就下啦。