大同韓燒 (已結業)

餐廳環境寬敞、乾淨，座位舒服，有六人卡位，開兩個爐，一齊開心燒！店員係我好印象深刻的，因為個個都親切有善，會主動換爐紙，教下作你點燒，做野快手有禮！熟食食物款式雖不算多，不過堅好味，我食燒蟹柳玉子，有料，味道good，仲要係熱。泡菜夠酸和辣，前菜螺頭、芽菜、菠菜都好味！沙律菜有三款汁揀，胡麻沙律汁、和風沙律汁、其中蒜蓉番茄沙律汁，酸酸地，好夠蒜蓉味，正!湯類都係令人有驚喜的，蘿蔔牛骨湯，裡面有蜆架，所以好清甜，同泡菜蕃茄牛肉湯都好濃郁，好似羅宋湯咁。最窩心嘅係橙已切成橙柳，可以淡淡肉咁食！三文魚刺身好肥美！韓燒就最怕燒到乾，又多鑊撈，呢間餐廳用左張牛油紙隔住，可以吸油，燒到唔乾，鎖住肉汁，又唔會有鑊撈！推介：雞翼、雞腎、雞軟骨、豬頸肉、牛肉、多春魚、三文魚，新鮮蔬菜呢個價錢，有這樣的質素，的確唔錯！