原先我地無打算係呢到食，不過見周圍都無哂位，咁我地行下行下，經過一條小巷仔，就搵到呢間美心美食啦。
裝修就一般啦，沒有豪華及高貴的所謂氣氛，不過有親切的店員。
我地入到店後，就坐係店的中間位置。因為，冷氣風口位麻，特別涼快！！！
我地望下個餐牌，可以選擇既不多，因為有黑椒，阿女唔食得，佢地有少少辣都不行的。
最後我地叫左一個黑椒雞排意粉，同埋菠蘿义燒炒飯。
黑椒雞排意粉就好快上枱，都好好味既，不算太辣，兩個女都可以試下既。
咁我地食下食下，好快食哂啦。但係個炒飯就等左好耐啦，好在我地不趕時間，可以入面廚師不多，上菜比較慢，結果我地等左呢碟炒飯等左２５分鐘。
不過，菠蘿炒飯始終係小朋友既喜愛食物之一，佢地一食到菠蘿，就開心哂！！！！
最後，如果有機會，我地都會打算再黎多次。原因係呢到坐得舒服，唔太逼，又夠靜，舒舒服服，安安靜靜之下，享受午餐，是一大快樂事！！！
正呀！！！！
