三記飯店

營業中

休息中

2018開年飯，帶屋企人到慈雲山三記食潮州打冷。雖然呢度地點有啲隔涉，要喺鑽石山地鐵站搭小巴或者的士上嚟，但晚上七點鐘去到已經全場爆滿。好彩之前一早book定枱，如果唔係⋯🙈之後叫咗招牌菜滷水鵝片、潮州咸雞、馬友等菜色，好快就有得食。因為呢度碟頭普通唔算好大，所以我哋一路食一路叫，7個人不知不覺叫咗成12個餸。一如既往從沒令我失望！最後，個個飽到攬住個肚離開，埋單都唔使1千蚊，大滿足！做街坊生意真係抵食又好味！