松山海鮮鍋 (已結業)

雖然好多公司都Home office ，但我地公司無嘅。仲有開年飯食，真係開心。好少餐廳有開。老闆就揀咗松山食小菜。呢度主打食海鮮嘅，有多款海鮮選擇之餘仲有多款料理方式。如清蒸，果皮蒸，紅燜等。仲有老虎班食。蝦同龍蝦當然不可少，蒜蓉粉絲蒸蝦惹味又餸飯，波士頓龍蝦當然芝士焗啦。款款新鮮，鮮甜彈牙。撈起黃金雞：切得薄薄一塊，有好多青瓜同花蘿蔔，有種食緊片皮鴨嘅錯覺。時令老火湯：湯睇落油油地，但撇過面頭飲幾清甜。呢度出名刺身，但冬天太凍都係唔食住生冷嘢。