爺爺雞煲皇 (美景街) (已結業)

一班朋友約食開年飯，咁大班人最好就係去打邊爐！今次朋友話去試新野，土瓜灣的爺爺雞煲質素唔錯而且唔使點等位，一於又去試下！地方好大，夠闊落坐得舒服餐前叫返2個香口小食，椒鹽鮮魷，墨釀油炸鬼，新鮮熱辣炸起，超香超鬆脆！同埋仲點少得炸魚皮。打邊爐湯底點左個花甲蟹鍋，超多料，湯底好鮮甜，蟹大隻多肉，每人飲返一碗湯先開始打邊爐。叫多碟海蝦好新鮮！其他海鮮都好新鮮！放埋蜂巢豆腐落去滾，啲豆腐索哂個海鮮湯底，超鮮甜好食，豆腐仍是滑滑的！牛肉油脂花紋都好靚，好香牛味！啤酒都係10幾蚊一支，超抵！