十三少 (已結業)

一直都好鍾意食依間酸菜魚，但分店離我太遠。今次元朗開咗真係勁開心！平日夜晚去到食都要等咗一陣位。入到去樓底好高好闊落，坐得幾舒服。首先當然係嗌出名嘅酸菜魚（$238），依間嘅酸菜魚真係好好食，個湯底酸同辣味做得好平均。魚係好滑無骨同唔腥。另外湯底入面仲有萵筍、秀珍茹等等。吸左湯都係好好食！另外叫左椒麻皮蛋（$42），個皮蛋同食開嗰啲個樣唔同，勁似糖心蛋，食落都真係有少少甜。麻辣再加上蒜味加埋食都係好好食！最後仲食咗口水雞（$78），味道層次好豐富，入口先麻後辣，雞肉好嫩滑入味。如果再辣啲會更加正！依間其實都仲有好多其他嘢食幾吸引，相信嚟緊都會繼續幫襯！