18
27
24
等級4
239
0
開始發覺呢間野好自大~
2005-09-13 44 瀏覽
我食開呢間野都一段時間,近日發覺除左晚上,中式套餐較抵...粉麵幾好食之外。原來其他套餐及單獨叫既食物,係好貴有0的仲貴得誇張。例如下午茶時間,食碗潮式粉麵約$17~18元,餐牌說明另加$6跟凍飲一杯,但叫可樂飲就真係俾罐罐裝可樂,如果要飲罐裝可樂,我又駛咩去茶餐廳坐低慢慢飲呀?去附近便利店入面$5一罐都有冷氣嘆啦!叫侍應俾杯冰底又要另加$1元共$7元。如果我係去普通粉麵店食麵,一罐可樂另叫收我$6元我覺得合理,但呢間擺明係茶餐廳格式,另加$6元一罐可樂,咁同另外買一罐有咩分別先?侍應話罐裝可樂咪仲多份量...我窒番佢我返屋企煮兜火腿通粉仲大碗又平啦,又駛鬼黎幫襯妳地咩?呢度一個人晚上黎食飯唔抵,晚餐碟頭飯+餐湯+飲品要$34元up,中式套餐有湯冇餐飲,有餐飲冇餐湯要$38元最平,而$38元中式餐大多都係菜類,而較多肉類既好多都要$48元,一間咁逼夾既粉麵茶餐廳,六成以上中式餐都要$48元以上好誇張,仲係跟得一樣野。粉麵都唔平...最平一碗麵都要$17元,味道一般又唔係大碗。全場最矚目既係,我帶親戚朋友黎幫襯,個個都留意到呢個超貴,一隻要$120元半隻$65元,呢間野完全唔出名,較出名
更多
我食開呢間野都一段時間,近日發覺除左晚上,中式套餐較抵...粉麵幾好食之外。原來其他套餐及單獨叫既食物,係好貴有0的仲貴得誇張。例如下午茶時間,食碗潮式粉麵約$17~18元,餐牌說明另加$6跟凍飲一杯,但叫可樂飲就真係俾罐罐裝可樂,如果要飲罐裝可樂,我又駛咩去茶餐廳坐低慢慢飲呀?去附近便利店入面$5一罐都有冷氣嘆啦!叫侍應俾杯冰底又要另加$1元共$7元。如果我係去普通粉麵店食麵,一罐可樂另叫收我$6元我覺得合理,但呢間擺明係茶餐廳格式,另加$6元一罐可樂,咁同另外買一罐有咩分別先?侍應話罐裝可樂咪仲多份量...我窒番佢我返屋企煮兜火腿通粉仲大碗又平啦,又駛鬼黎幫襯妳地咩?呢度一個人晚上黎食飯唔抵,晚餐碟頭飯+餐湯+飲品要$34元up,中式套餐有湯冇餐飲,有餐飲冇餐湯要$38元最平,而$38元中式餐大多都係菜類,而較多肉類既好多都要$48元,一間咁逼夾既粉麵茶餐廳,六成以上中式餐都要$48元以上好誇張,仲係跟得一樣野。粉麵都唔平...最平一碗麵都要$17元,味道一般又唔係大碗。全場最矚目既係[鹽焗雞],我帶親戚朋友黎幫襯,個個都留意到呢個[鹽焗雞]超貴,一隻要$120元半隻$65元,呢間野[鹽焗雞]完全唔出名,較出名都係粉面,而佢前身都係頂手[劉明記],因為[劉明記]成家移民先頂手,就算好多市區出名粵菜館,都好難收得起$120元一隻[鹽焗雞],何況一間小小一間,唔係做菜色出名既粉麵茶餐廳!?我真係唔信呢間野會用新鮮走地雞做[鹽焗雞],就算一隻新鮮走地雞...而家市價咁貴大約$58~65元,佢收$120元唔係唔應該,係根本我唔相信佢會用新鮮雞。深井燒鵝都唔夠佢咁貴,都唔知佢憑咩收咁貴,又唔見多人幫襯佢食。另外個男性中年老闆,成日坐0係收銀櫃擺哂款咁,收錢又唔會講聲[多謝],又見佢成日牙擦擦窒0的侍應,言語之間非常自大認叻,唔睇佢個樣仲以為佢係[陳伯祥]。好心呢間野將0的價錢降低少少啦,檯凳又係硬實木,坐得耐都唔舒服,咕0臣都唔鋪張上凳面,位又窄又逼夾,得一邊有電視睇,真係唔明佢係咪唔憂做?!
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    人均消費
    $50