影片
更多
2020-12-24
2263 瀏覽
其實我都成日嚟上環呢頭，都經過左呢間餐廳好多次，佢個門面裝修好特別，一路都好想試，尋日終於有時間可以過黎食啦。我地叫左兩個lunch set share食。一個生，一個熟，咁就乜都可以試下啦。🍣時令角切魚生飯丼 $178角切魚生飯丼嘅魚生有好多種唔同嘅魚，每款魚都有幾件，食落嘅魚生都幾新鮮。同埋雖然係角切，但啲魚生都幾大粒，仲有蛋絲添。呢間餐廳最體貼嘅嘅地方係佢嘅刺身飯早已經幫你加咗豉油，攪勻曬落啲飯到，調好咗壽司飯嘅味道，想再食鹹啲嘅朋友可以再加豉油。🐷北海道醬燒十勝豚肉 $148燒香嘅豚肉，喺侍應將托盤拎俾我嘅時候，就已經聞到豚肉香氣撲鼻。豚肉嘅肉身肥瘦適中，咬落去嘅時候，會感受到油脂嘅香味，喺口中慢慢散發出嚟，好適合用嚟送飯。豚肉旁邊有少許嘅沙律菜，間唔中食一兩條，用嚟清一清口入邊嘅油脂幾唔錯。兩個餐都係lunch set所以每個餐都會送前菜、蒸蛋、吸物。🥒前菜係帶子裙邊同青瓜，食落爽口彈牙。🥣吸物係魚湯，魚嘅香味一打開湯蓋就可以聞到。🥚蒸蛋好滑，有菇同蟹柳，蛋會食到菇香味同埋蟹柳嘅甜味。入面仲有一粒白果添，都幾特別。舖位唔係好大，應該大約只可以坐到十幾個人，但都坐得幾舒適，啲位
我地叫左兩個lunch set share食。一個生，一個熟，咁就乜都可以試下啦。
🍣時令角切魚生飯丼 $178
角切魚生飯丼嘅魚生有好多種唔同嘅魚，每款魚都有幾件，食落嘅魚生都幾新鮮。同埋雖然係角切，但啲魚生都幾大粒，仲有蛋絲添。呢間餐廳最體貼嘅嘅地方係佢嘅刺身飯早已經幫你加咗豉油，攪勻曬落啲飯到，調好咗壽司飯嘅味道，想再食鹹啲嘅朋友可以再加豉油。
🐷北海道醬燒十勝豚肉 $148
燒香嘅豚肉，喺侍應將托盤拎俾我嘅時候，就已經聞到豚肉香氣撲鼻。豚肉嘅肉身肥瘦適中，咬落去嘅時候，會感受到油脂嘅香味，喺口中慢慢散發出嚟，好適合用嚟送飯。豚肉旁邊有少許嘅沙律菜，間唔中食一兩條，用嚟清一清口入邊嘅油脂幾唔錯。
兩個餐都係lunch set所以每個餐都會送前菜、蒸蛋、吸物。
🥒前菜係帶子裙邊同青瓜，食落爽口彈牙。
🥣吸物係魚湯，魚嘅香味一打開湯蓋就可以聞到。
🥚蒸蛋好滑，有菇同蟹柳，蛋會食到菇香味同埋蟹柳嘅甜味。入面仲有一粒白果添，都幾特別。
舖位唔係好大，應該大約只可以坐到十幾個人，但都坐得幾舒適，啲位唔會太逼太窄咁，應該都會再黎。
張貼
