沙龍餐廳 (已結業)

門面與樓下的pokka cafe頗相似，感覺甚至更高檔。但裡面竟然似茶餐廳的格局，總之就好唔自在。仲有，原來套餐並沒有餐飲，全部要另外加錢，令我頗反感。我和朋友兩個人去食，朋友忍得住唔飲野，只叫一客海鮮沙律。我當然唔得，要一個焗豬扒飯加杯凍檸茶。先來海鮮沙律，我和朋友share食。沙律外觀都唔多掂，雖有幾隻蝦(我冇食)，但一睇就知唔靚。三文魚亦然，亳無鮮味，顏色又唔得。車厘茄有點酸，唯個菜算是幾清新。我和朋友都對此沙律都有點失望。等了近一個小時，焗豬扒飯才到。order時侍應已講明是用牛肉汁去焗，都幾特別。佢其實係用牛肉汁，有d黑椒，加上芝士和雞蛋片和磨菇面。味道幾特別，豬扒都算"淋"，不過芝士唔夠香，蛋冇味，所以總體來說只是一般。以環境、食物和價錢去比較，我覺得唔多好。