摩登牛舌燒肉專門店

營業中

休息中

摩登牛舌專門店主打長龍牛舌及高質燒肉作為招牌菜😋位置其實就喺舊B仔涼粉店附近，門面摩登出色明顯，內外裝修日系搞鬼吸引。簡單直接，因應人數有三個Set選擇，豐儉由人，呢晚約齊兩個朋友仔聚舊所以揀左最抵嘅餐再加配單點好物。🍱SET C燒肉組合拼盤 $399推介:⭐️⭐️⭐️⭐️⭐️ CP最高👍🏼長龍牛舌、厚燒豚五花、鳳梨牛肋條、摩登雪花肉、雞腿肉、薯仔、三色腸拼盤、水冷麵、配菜拼盤長龍牛舌真心有驚喜! 厚切件件相連，乾冰座底上檯相機食先。你會忍唔住向天花板打長佢先放到入個爐到燒🤣然後再慢慢剪細件燒至平均食得😋跟住燒埋豚五花、牛肋條、雪花肉及雞腿肉，4舊水呢到三個人食都已經半飽，兩個人來講應該已經夠哂飽肚👍🏼隨套餐再任選加配🦪燒帶子3隻 $39/each🦪蒜香珍珠鮑 $59推介:⭐️⭐️⭐️⭐️⭐️兩款已用炒熟蒜蓉調味嘅海鮮款值得推薦!惹味吸引，賣相又唔錯，落爐再燒熱辣辣更加吸收哂香料精華🤤🐟燒鰻魚 $89推介:⭐️⭐️⭐️⭐️⭐️呢款有驚喜👍🏼 少有可以燒肉店加配嘅海鮮，6大件將佢燒到脆皮香口外脆內軟，正!🍜三絲椒拌麵 $49🍚摩登紫菜拌飯 $19推介:⭐️⭐️⭐️⭐️隨左冷水麵可以再加配飯麵，拌麵份量十分誇張，拌飯正常表現。