漁樂 (已結業)

好耐無去過長洲喇！一直對於長洲既印象就只有大魚蛋同糯米糍，海鮮類個人評價都一般。今次入去比我搵到超級寶藏既本地海鮮小店😍.除咗裝修靚之餘，老闆好好客，又親切～仲請左我飲杯啤酒🤣.墨魚厚切 ⋆ $60即炸出來，好爽，不油膩。墨魚超級新鮮而且甜，炸粉入面既墨魚好juicy！上面仲有檸檬皮吊味，絕對係誠意之作！. 去骨鱭魚 ⋆ $ 60臍魚都係本灣漁獲，去左中間主骨再炸，兩邊仲有少少骨不過可以接受。炸完既魚肉又係滑溜溜，好新鮮！呢個配啤酒一流呀.鮑魚 ⋆ $90鮑魚就一般般，雖然味道唔錯，但個人認為性價比不高～.冬瓜麥茶 ⋆ $15麥茶係自己煲既～唔太甜！夏天熱左成日的確係幾解渴👍🏻