Amusement Eatery (已結業)

朋友好鐘意周圍去搵食，今日帶左我去Amusement Eatery食南美菜。大家都未食過拉丁美洲南菜式，所以大家都非常期待今晚的晚餐。餐廳主打正宗拉丁美洲南菜式，餐廳主廚用上當造食材和香料去烹調，好多都是使用外國進口的食材，對食材和烹調都非常有熱誠，而餐牌有多款不同款式的菜式，款款菜式名都非常吸引，款款都好想食蟹肉忌廉芝士炸雲吞即叫即炸，雲吞炸得非常香脆，入面有滿滿的蟹肉和芝士，味道咸香軟滑，不沾甜酸醬都已經好好食。M7和牛扒配阿根廷青醬點了5成熟，煎得剛剛好，餐廳非常細心，和牛扒已經切成一片片，和牛油香十足，牛味濃郁，口感好Juicy，配上阿根廷青醬，非常配搭又可以解膩，另外配菜用上有機蔬菜，配菜都做得非常出色。手搖士多啤梨水果茶&橙汁特飲兩款甜度剛剛好，我比較喜歡手搖士多啤梨水果茶，茶與士多啤梨比例剛好，散發出士多啤梨清新香氣。