影片
更多
2025-04-02
313 瀏覽
早前去完泰國旅行返黎已經好掛住泰國嘅美食，由其是泰式炒飯同金邊粉。而呢間係長沙灣嘅平民泰國餐廳唔好以為好低調，其實佢地真係非常正宗，係由正宗泰國人一抵腳打理。泰式酸辣鳳爪 $65個酸辣汁酸同辣比例調得岩岩好，鳳爪已經去左骨好方便食串燒豬牛雞3串 $45另外叫左串燒各一條，都燒得幾香身。沙爹汁比較重花生香味，而且夠杰身好香泰式豬頸肉炒飯 $85色香味俱全，先係豬頸肉煎得夠香脆，再黎就係炒飯，有鑊氣得黎味道唔會太重味，如果擔心味道唔夠仲可以加埋佢地自調嘅魚露提香。椰汁湯金邊粉 $72椰汁味濃，另外有隻半熟煎蛋。叫左雞肉，底下有金邊粉索起晒成個椰汁湯，金邊粉口感彈牙，而且椰汁湯好香濃，有種清香感泰式奶茶 $28 / 珍多冰 $35我叫左杯奶茶，朋友飲珍多冰。奶茶茶底夠濃夠香，鍾意泰式奶茶個種奶香甜味。另外朋友話杯珍多冰都唔錯，夠多料係入面又唔會太甜
早前去完泰國旅行返黎已經好掛住泰國嘅美食，由其是泰式炒飯同金邊粉。
而呢間係長沙灣嘅平民泰國餐廳唔好以為好低調，其實佢地真係非常正宗，係由正宗泰國人一抵腳打理。
泰式酸辣鳳爪 $65
個酸辣汁酸同辣比例調得岩岩好，鳳爪已經去左骨好方便食
串燒豬牛雞3串 $45
另外叫左串燒各一條，都燒得幾香身。沙爹汁比較重花生香味，而且夠杰身好香
泰式豬頸肉炒飯 $85
色香味俱全，先係豬頸肉煎得夠香脆，再黎就係炒飯，有鑊氣得黎味道唔會太重味，如果擔心味道唔夠仲可以加埋佢地自調嘅魚露提香。
椰汁湯金邊粉 $72
椰汁味濃，另外有隻半熟煎蛋。叫左雞肉，底下有金邊粉索起晒成個椰汁湯，金邊粉口感彈牙，而且椰汁湯好香濃，有種清香感
泰式奶茶 $28 / 珍多冰 $35
我叫左杯奶茶，朋友飲珍多冰。奶茶茶底夠濃夠香，鍾意泰式奶茶個種奶香甜味。另外朋友話杯珍多冰都唔錯，夠多料係入面又唔會太甜
張貼
